سه‌شنبه، تیر ۲۳، ۱۳۸۸

بلوچستان ءِ پلیں شهیدان ءَ هزاران سلام

مروچی مئے گلزمین ءُ شزادیستگیں کوم پدا سوگیگ بوتنت۔ رستریں ڈنی ءُ زابلی یاں
مئی ایرآپ ( زاهدان) ءَ ایرهون کتگ.
سینزده پلیں بلوچ ماں ایرآپ (دزآپ، زاھدان) ءَ رستریں حکومتی یانی دست ءَ چہ کوم ءُ سیاد ءُ وارس ءُ چه زند ءَ سندگ ءُ جتا کنگ بوتنت۔ جناوریں حکومتی گوں رستری کینگاں بلوچ ورنایاں درنجنت ءُ مئے پلیں ورنایانی دست ءُ پاد جنگ ءُ ساہ دیگ ءَ چارنت ءُ گَل کننت۔
دگنیا ءِ کجام جاگه ءَ بید چه ایران نامیں جنگلءَ چوشین رستری بیت؟ مئے پلیں ورنایانی کــُشتارءُ ساهگری، تهران ءِ جلاد یں فاشیست ءُ جناوریں زابلی یانی ھشت پاس ءِ اصلی کار بوتگ.
دراھیں بلوچان باید انت هژار به بنت که ایران ءِ اطلاعات ءُ جاسوسی اداره مئے چُکچیں کنگ ءِ واب ءَ گندگاینت. مئے ورنا پاهو دیگ بنت که بلوچ انت ءُ آ بلوچ ءِ نام بر انت.

چُشیں رستری ماں بلوچستان ءِ چنت هزار سالیگیں تاریخ ءَ کم درور انت. شهریاری، دهمرده، علی محمد آزاد ءُ سلیمانی ءُ هونواریں آخوند حمیدی چه یاجوج ءُ ماجوج( بلاهان) ءُ اسکندر ءِ لشکرءَ هونوار تر انت ءُ په بلوچ کُشی ءَ مئے تاریخ ءِ بد نام ترین ءُ شوم تریں رستران انت.
اے تهاریں دور ءِ بلوچ کشی ءِ مزنتریں مجرم ءُ گنه کار وتسریں آخوند خامنه ای ءِ جند انت ۔ . نالائکیں احمدی نژاد، رستریں شهریاری، بے دریں دهمرده، بزدلیں نورا، گنوکیں سلیمانی ءُ هونواریں ابراھیم حمیدی گوں آدگه ڈنی یاں مئے پلیں ورنایانی قاتل ءُ کُشوک انت.

بلے دلجم اوں کہ بلوچ ورنایانی زگریں هونان بلوچستان ءِ آجویی ءُ آزاتی ءِ سهریں راه ءَ سهرتر کنت . اے نمیرانیں شهیدان ءِ ونده ھما وھد ءَ پہ جوانی گرَگ بنت که بلوچ راج، آزاتی ءُ وت مستری ءِ مِنزل ءَ سر
به بیت. انشاالله.
بلوچستان ءِ پلین شهیدان ءَ هزاران سلام
پروشت ءُ پروش بات ایران ءِ شیعی ـ فاشیستی حکومتآزات ءُ آباد بات گنجین بلوچستان

محمد کریم بلوچ

هیچ نظری موجود نیست:


singles for dating